Ísak Óli Ólafsson.
Í leiknum gegn Fram fyrr í þessum mánuði.
Ísak Óli Ólafsson er mættur aftur á fullt í liði FH eftir erfið meiðsli. Hann þurfti að fara í aðgerð snemma á árinu og sneri aftur í byrjun þessa mánaðar.
Hann var í byrjunarliði FH í sigrinum gegn Vestra og er klár í slaginn við KR annað kvöld á AVIS vellinum. Sá leikur hefst klukkan 19:15. Fótbolti.net ræddi við Ísak Óla í dag.
Hann var í byrjunarliði FH í sigrinum gegn Vestra og er klár í slaginn við KR annað kvöld á AVIS vellinum. Sá leikur hefst klukkan 19:15. Fótbolti.net ræddi við Ísak Óla í dag.
Lestu um leikinn: KR 3 - 2 FH
„Það er hrikalega góð tilfinning að vera mættur aftur á völlinn," segir Ísak Óli.
„Endurhæfingin gekk vonum framar, það var gott teymi í kringum mig í þessum krefjandi meiðslum sem stóð þétt við bakið á mér. Það sem er lykillinn að ég sé komin út á völl er að ég vann fyrir því - ég flutti nánast í Krikann á meðan ég var í endurhæfingu. Verð líka gefa styrktarþjálfaranum Ben mikið hrós, hann var með mér í þessu öllu."
Ísak var í stóru hlutverki á síðasta tímabili og er alla jafna hluti af sterkasta byrjunarliði FH. Hann kom til félagsins frá Esbjerg fyrri hluta árs 2024. Ísak, sem verður 25 ára á mánudaginn, kom við sögu í 25 af 27 leikjum FH í fyrra.
En hvernig er skrokkurinn og hvernig var síðasti leikur?
„Mér líður betur með hverri vikunni sem líður, skrokkurinn er góður. Það var virkilega gaman að spila á móti Vestra, hörku lið. Við spiluðum fínan leik og alltaf gaman að halda hreinu en ennþá betra að vinna."
Hvernig líst Ísaki á leikinn gegn KR?
„Mér líst bara mjög vel á leikinn á móti KR, það verður áhugaverð rimma og við þurfum að mæta vel gíraðir í leikinn. Og ég vona að FH-ingar fjölmenni í Laugardalinn á leikinn!" segir miðvörðurinn.
Benjamin Gordon Mackenzie - eða Ben - eins og styrktarþjálfari FH er kallaður.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 21 | 12 | 4 | 5 | 52 - 33 | +19 | 40 |
| 2. Víkingur R. | 21 | 11 | 6 | 4 | 40 - 27 | +13 | 39 |
| 3. Stjarnan | 21 | 11 | 4 | 6 | 41 - 34 | +7 | 37 |
| 4. Breiðablik | 20 | 9 | 6 | 5 | 36 - 31 | +5 | 33 |
| 5. FH | 21 | 8 | 5 | 8 | 39 - 33 | +6 | 29 |
| 6. Fram | 21 | 8 | 4 | 9 | 30 - 29 | +1 | 28 |
| 7. ÍBV | 21 | 8 | 4 | 9 | 23 - 27 | -4 | 28 |
| 8. Vestri | 21 | 8 | 3 | 10 | 22 - 24 | -2 | 27 |
| 9. KA | 21 | 7 | 5 | 9 | 25 - 38 | -13 | 26 |
| 10. KR | 21 | 6 | 6 | 9 | 42 - 44 | -2 | 24 |
| 11. Afturelding | 21 | 5 | 6 | 10 | 28 - 36 | -8 | 21 |
| 12. ÍA | 20 | 5 | 1 | 14 | 20 - 42 | -22 | 16 |
Athugasemdir
