Khadija Shaw skoraði þrennu á fyrstu 22 mínútum leiksins og urðu lokatölur 5-2 þar sem öll mörkin nema eitt litu dagsins ljós í fyrri hálfleik.

Man City er með 46 stig eftir 18 umferðir, átta stiga forystu á Manchester United sem situr í öðru sæti.

Man Utd lagði Everton að velli í dag til að hirða annað sæti deildarinnar af Chelsea. Melvine Malard var hetja United þegar hún skoraði sigurmarkið í uppbótartíma eftir dramatískan lokakafla, lokatölur 2-1.

Chelsea gerði á sama tíma jafntefli við London City Lionesses til að falla niður í þriðja sætið. Aðeins þrjú efstu sæti deildarinnar gefa þátttökurétt í Meistaradeild Evrópu á næstu leiktíð og eru fráfarandi Englandsmeistarar því í bráðri hættu á að missa sætið sitt í keppninni.

Arsenal er í fjórða sæti eftir stórsigur gegn West Ham. Það var níundi sigur liðsins í röð í öllum keppnum og sá fjórði í röð í deildinni. Chloe Kelly var atkvæðamest með tvennu í 5-0 sigri.

Arsenal er aðeins tveimur stigum á eftir Chelsea en með tvo leiki til góða. Takist lærlingum Renée Slegers að vinna leikina sem eru til góða þá getur Arsenal reynt að veita Man City einhverja titilbaráttu.

City á eftir að spila fjóra leiki og þarf að misstíga sig í tveimur þeirra til að gefa Arsenal einhverja von um að stela titlinum.

Man City 5 - 2 Tottenham
1-0 Khadija Shaw ('8)
1-1 Olivia Holdt ('15)
2-1 Khadija Shaw ('18)
3-1 Khadija Shaw ('21)
4-1 Kerolin ('37)
5-1 A. Nilden ('45, sjálfsmark)
5-2 Bethany England ('85)

Man Utd 2 - 1 Everton
1-0 Elisabeth Terland ('38)
1-1 Inma Gabarro ('90)
2-1 Melvine Malard ('94)

London City 1 - 1 Chelsea
0-1 Johanna Rytting Kaneryd ('22)
1-1 Isobel Goodwin ('82)

Arsenal 5 - 0 West Ham
1-0 Stina Blackstenius ('4)
2-0 Alessia Russo ('47)
3-0 Chloe Kelly ('55)
4-0 Chloe Kelly ('80)
5-0 Beth Mead ('90)