Newcastle hefur áhuga á Jóni Degi - Brighton reynir við Summerville - Tilboði Tottenha í Toney hafnað
Fagnaði langþráðum sigri ÍA gegn KR - „Fékk afbrigði af Covid sem enginn hefur fengið"
Ingvar Jóns skilur ekkert: Hugsaði aldrei að hann myndi dæma víti
Arnar Gunnlaugs fámáll - „Umræðan um Víking er orðin fáranleg“
Arnar Grétars: Mér fannst við miklu betri í dag
Gylfi: Ingvar reyndi að taka mig á taugum
Þorsteinn Aron: Ömurlegir í fyrri og alvöru karakter að koma til baka
Viktor Jóns: Loksins að sýna hvað ég get
Rúnar Kristins: Auðveldara að sækja gegn vindinum en með
Jón Þór: Fyllilega verðskuldað og rúmlega það
Emil Atla: Ánægður með árásargirnina hjá okkar liði
Heimir: Varnarleikur liðsins er bara ekki nógu góður
Jökull: Hann tók þetta í sínar eigin hendur
Ómar Ingi: Við þurftum að fara út og gera bara eitthvað
Gregg Ryder: Ég þigg þá hjálp sem Óskar hefur að bjóða
Ólafur Kristófer átti nokkrar úrslitavörslur: Gekk vel hjá mér í dag
Davíð segir sterku röddina oft vera ástæðuna fyrir spjöldum
Rúnar Páll: Settum þetta upp eins og úrslitaleik
Gunnar: Engin skömm að tapa fyrir Val
Pétur Péturs: Ósáttur með fyrri hálfleikinn
„Farin að sýna okkur það sem ég hef vitað að hún hefur getað síðan hún var 14 ára”
   mið 29. maí 2024 19:00
Guðmundur Aðalsteinn Ásgeirsson
Salzburg
Aftur í landsliðinu eftir langa fjarveru - „Þetta voru tvær aðgerðir í einni"
Icelandair
Cecilía Rán Rúnarsdóttir.
Cecilía Rán Rúnarsdóttir.
Mynd: Jónína Guðbjörg Guðbjartsdóttir
Cecilía er á mál hjá Bayern München.
Cecilía er á mál hjá Bayern München.
Mynd: Fótbolti.net - Hafliði Breiðfjörð
Gott að koma aftur inn í hópinn.
Gott að koma aftur inn í hópinn.
Mynd: Fótbolti.net - Hafliði Breiðfjörð
'Mig langaði strax að spila um kvöldið aftur'
'Mig langaði strax að spila um kvöldið aftur'
Mynd: Fótbolti.net - Hafliði Breiðfjörð
Frá æfingu Íslands í Austurríki í dag.
Frá æfingu Íslands í Austurríki í dag.
Mynd: Fótbolti.net - Guðmundur Aðalsteinn Ásgeirsson
„Vó, ég gæti ekki verið ánægðari," sagði landsliðsmarkvörðurinn Cecilía Rán Rúnarsdóttir með bros á vör þegar fréttamaður Fótbolta.net hitti hana á hóteli landsliðsins í Salzburg í Austurríki fyrr í dag.

Cecilía er mætt aftur í landsliðshópinn eftir löng og ströng meiðsli. Og eins og hún segir, þá gæti hún ekki verið ánægðari.

„Það er gaman að hitta loksins stelpurnar, bara geggjað, Það er alltaf jafn leiðinlegt að sitja heima og horfa á leikina í sjónvarpinu," segir Cecilía.

Erfitt og langt
Þetta er fyrsta verkefni hennar í tæpt ár, en hún var síðast í landsliðshópnum í júlí í fyrra. Síðasti leikur hennar var vináttulandsleikur gegn einmitt Austurríki sem Ísland vann með einu marki gegn engu.

Cecilía meiddist illa á hné í ágúst síðastliðnum á æfingu með Bayern München og var lengi frá.

„Þetta hefur verið frekar erfitt og langt. Ég hef tekið þetta viku fyrir viku. Ég hef alltaf sagt að dagarnir hafa verið hægir en vikurnar mjög fljótar að líða," segir Cecilía.

„Hnéskelin mín fór úr lið og við það rifnaði brjóskið upp. Þetta voru tvær aðgerðir í einni. Þeir þurftu að laga brjóskið og liðbandið innra. Um leið og þetta gerðist vissi ég að þetta yrði mjög alvarlegt en svo voru læknarnir ekki alveg vissi hvort þeir þyrftu líka að laga brjóskið. Þeir ákváðu það bara í aðgerðinni og við það lengdist endurhæfingartíminn um nokkra mánuði," segir Cecilía.

Ótrúlega þakklát fyrir það
Endurhæfingarferlið hefur verið erfitt, og ekki síður kannski andlega. Að missa það sem þú ert best í og finnst skemmtilegast að gera, það er ekki skemmtilegt.

„Þetta var svipað langt ferli og ef ég myndi slíta krossband. Það var ein önnur stelpa í liðinu sem sleit krossband tveimur dögum seinna og við vorum saman að koma til baka núna. Þetta var mjög erfitt í byrjun og maður má ekki gera mikið. Um leið og maður fékk að gera meira, þá varð þetta léttara," segir Cecilía.

„Að fá ekki að fara út í fótbolta með stelpunum á hverjum degi og að fá bara að fara inn í líkamsræktina, það er ótrúlega erfitt andlega. Núna kann ég að meta það miklu meira að fá að spila fótbolta. Ég er ótrúlega þakklát fyrir það."

Hvað var það sem hjálpaði henni mest að komast í gegnum þetta ferli?

„Ég kynntist kærastanum mínum eiginlega um leið og ég meiddist. Það hjálpaði mér ótrúlega mikið. Hann var mikið úti með mér. Svo hafa allar stelpurnar í liðinu... við vorum mikið að gera hluti utan æfinga og það hjálpaði mikið. Fjölskyldan mín var líka dugleg að koma út og ég gat alltaf hringt í þau," segir markvörðurinn öflugi.

Sveindís mætt í stúkuna
Cecilía lék sinn fyrsta leik eftir meiðslin núna á dögunum þegar hún hélt hreinu í 4-0 sigri varaliðs Bayern gegn varaliðs Frankfurt í lokaumferð þýsku B-deildarinnar.

„Það var geggjað. Ég vissi ekki að ég væri að fara að spila fyrr en nokkrum dögum áður. Mig langaði strax að spila um kvöldið aftur," sagði Cecilía og brosti.

Sveindís Jane Jónsdóttir, sem spilar með Wolfsburg, lét sig ekki vanta í stúkuna og sá vinkonu sína snúa aftur.

„Hún var akkúrat þarna yfir helgina og það var gott að hafa hana og mitt fólk í stúkunni," sagði Cecilía.

Gott að koma aftur
Cecilía var kölluð strax aftur inn í landsliðshópinn og fær að vera í kringum liðið í þessu verkefni þar sem tveir leikir eru gegn Austurríki í undankeppni EM.

„Ég hugsaði að ef ég yrði tilbúin þá yrði ég klár ef kallið kæmi. Ég er þakklát að koma hérna inn. Ég hef verið lengi í burtu og var ekki að búast við miklu. En það er gott að koma inn, hitta stelpurnar, æfa og lengja aðeins tímabilið," segir Cecilía en að lokum var hún spurð út í þessa tvo leiki sem er framundan.

„Þetta eru ótrúlega spennandi leikir. Það er gaman að fá að keppa við Austurríki bæði úti og heima. Að fá að máta okkur við svona gott lið. Ég er ótrúlega spennt að koma heim líka og vonandi mæta margir í stúkuna."

Hægt er að horfa á allt viðtalið í spilaranum hér að ofan.
Athugasemdir
banner
banner
banner