Sevilla að fá Bryan Gil frá Tottenham

Gil er fjölhæfur og efnilegur leikmaður en hefur ekki fundið taktinn hjá Tottenham, sem borgaði 22 milljónir punda fyrir hann auk þess að senda Erik Lamela til Sevilla í skiptum. 

Gil fór á lán til Valencia á sínu fyrsta tímabili og eftir að hann kom til baka síðasta sumar hefur hann komið við sögu í ellefu leikjum með Tottenham. 

Gil á aðeins tvær stoðsendingar í 31 leik með Tottenham en hann var algjör lykilmaður upp sigursæl yngri landslið Spánar og á fjóra leiki að baki fyrir A-landsliðið.

Sevilla fær ekki kaupmöguleika með lánssamningnum þar sem þjálfarateymi Tottenham telur leikmanninn enn eiga eftir að springa út.

Jorge Sampaoli, þjálfari Sevilla, er mikill aðdáandi og vildi fá Gil til Marseille þegar hann var við stjórnvölinn þar.