PSG mistókst að krækja í Skriniar og Scamacca í sumar

PSG hafði aðeins takmarkaða fjármuni til að fjármagna þessar stöður og náði félagið hvorki samkomulagi við Inter um kaupverð á Milan Skriniar né Sassuolo um kaupverð á Gianluca Scamacca.

Slóvakíski miðvörðurinn Skriniar varð eftir hjá Inter þar sem hann á þó aðeins eitt ár eftir af samningi sínum á meðan Scamacca var keyptur til West Ham fyrir um 40 milljónir evra.

„Við reyndum að kaupa miðvörð í sumar og framherja með öðruvísi hæfileika en það gekk ekki upp. Forsetinn gerði allt í sínu valdi til að ganga frá þessum skiptum en það reyndist ómögulegt," sagði Galtier, sem var ráðinn til PSG í sumar eftir frábæran árangur með Lille og Nice undanfarin ár.