Tvær að spila sinn fyrsta keppnisleik með landsliðinu

Ída Marín Hermannsdóttir, leikmaður Vals, og Natasha Moraa Anasi, leikmaður Breiðabliks, komu báðar inn á sem varamenn á 65. mínútu leiksins.

Natasha, sem er fædd í Bandaríkjunum en er komin með íslenskan ríkisborgararétt, er að spila sinn þriðja A-landsleik en hinir báðir komu í vináttulandsleikjum.

Ída Marín, sem er 19 ára gömul, er að spila sinn fyrsta A-landsleik fyrir Ísland.

Báðar voru þeir öflugar í Pepsi Max-deildinni síðasta sumar. Ída var frábær fremst á miðju fyrir Val sem varð Íslandsmeistari. Natasha var öflug í liði Keflavíkur áður en hún skipti yfir til Breiðabliks. Natasha getur spilað bæði í vörn og á miðju.

Þess má geta að foreldrar Ídu voru bæði landsliðsfólk; Hermann Hreiðarsson og Ragna Lóa Stefánsdóttir.