,,Þetta eru tvö glötuð stig," sagði Haraldur Freyr Guðmundsson fyrirliði Keflavíkur eftir 2 - 2 jafntefli við Selfoss í kvöld.
Lestu um leikinn: Keflavík 2 - 2 Selfoss
,,Ég er hrikalega ósáttur við hvernig við spiluðum seinni hálfleikinn eftir að við komumst í 2-0. Við erum að bíða eftir að leikurinn sé búinn og höldum að þetta sé komið en gefum boltann yfir á Selfoss og leyfum þeim að spila og koma upp völlinn. Þeir nýta það vel og við þurfum að skoða þennan seinni hálfleik því við vorum ekkert ósvipaðir á móti Fram síðast, við vorum mjög góðir í fyrri hálfleik og svo einhvern veginn dettur þetta niður í seinni."
,,Þetta er leikur sem við eigum að klára, erum 2-0 yfir á heimavelli og leikurinn í okkar höndum. Það er glatað að gefa það frá sér. Það er eins og við gefum boltann yfir og þeir fá að koma og við erum eftir á í öllu."
Nánar er rætt við Harald í sjónvarpinu að ofan.
