Bobby Madley, fyrrum dómari í ensku úrvalsdeildinni, tjáði sig á Twitter um fyrsta mark Liverpool í 3-1 sigrinum á Manchester City í stórleik sem var að klárast.
City-menn voru mjög ósáttir við fyrsta markið sem Fabinho skoraði.
Leikmenn Manchester City vildu fá vítaspyrnu skömmu áður er Trent Alexander-Arnold handlék knöttinn.
Liverpool fór í sókn og þar skoraði Fabinho með skoti af löngu færi í vinstra hornið.
Madley segir að vítaspyrna hafi aldrei verið möguleiki í stöðunni þar sem boltinn fór í hendi Bernardo Silva, leikmanns Man City, áður en hann fór í hendi Alexander-Arnold.
„Silva fékk boltann (óvart) í höndina áður en hann fór í höndina TAA. Það hefði verið dæmt á Silva jafnvel þó svo að um vítaspyrnu hefði verið að ræða. Hendi á sóknarmann þarf ekki að vera viljandi," skrifaði Madley á Twitter.
„Vítaspyrna var aldrei möguleiki þar sem boltinn fór í höndina á Silva í aðdragandanum."
hérna má sjá myndband af atvikinu.
Bobby Madley knows what’s best pic.twitter.com/736aLazAQC
— jake (@_jakepenro) November 10, 2019
Athugasemdir