,,Frammistaða liðsins var feykilega góð í dag. Menn lögðu sig fram, spiluðu fínan fótbolta og leystu þröngu leikstöðuna mjög vel," sagði Willum Þór Þórsson þjálfari Keflvíkinga eftir 2-2 jafntefli liðsins gegn Stjörnunni í kvöld.
,,Við vorum agaðir í skipulaginu, unnum seinni boltana, vorum fljótir fram á við og sköpuðum fullt af færum. Einbeitingarleysi, sofandaháttur, blanda af aðstæðum og vindum gerir það að verkum að við fáum á okkur tvö mörk."
,,Við vorum agaðir í skipulaginu, unnum seinni boltana, vorum fljótir fram á við og sköpuðum fullt af færum. Einbeitingarleysi, sofandaháttur, blanda af aðstæðum og vindum gerir það að verkum að við fáum á okkur tvö mörk."
Lasse Jörgensen, markvörður Keflvíkinga, fékk högg og meiddist í síðari hálfleik. Hann hélt leik áfram og fékk á sig mark beint úr fyrirgjöf frá Halldóri Orra Björnssyni.
,,Hann var grunsamlega hægur í fótavinnunni og ákvörðuninni að stíga út úr markinu og þrengja geirann á markið í sendingarlínunni. Ég skal ekki segja, hann fékk högg á hökuna. Við mátum það þannig að hann gæti haldið áfram og vildum eiga skiptingarnar á útileikmennina og bíða og sjá til."
Keflvíkingar eru eftir þennan leik með 24 stig í sjötta sæti deildarinnar en liðið er með jafnmörg stig og Stjarnan í fimmta sætinu.
,,Fyrir þennan leik vorum við ákveðnir í því að Evrópusæti væri skammt undan og við yrðum að berjast eins og einn maður fyrir því. Eins og deildin er að spilast þá megum við ekkert missa móðinn í því. Þetta breytist allt í einni umferð."
Hér að ofan má sjá viðtalið í heild sinni.
