Daði Lárusson markvörður Hauka var að vonum sáttur með 2-0 sigur liðsins gegn Keflavík í Pepsi-deild karla í dag. Daði segir að stemningin í liðinu sé mun betri nú þegar liðið er á sigurbraut.
„Þú hefðir átt að vera inni í klefa núna áðan. Það er óhætt að lýsa því þannig að menn hafi verið í skýjunum. Þetta er náttúrulega miklu skemmtilegara þegar þetta fellur okkar megin og ég neita því ekki að maður var kominn í smá lægð á tímabili. En maður er kominn vel upp fyrir það núna, vel upp í skýin,“ sagði Daði.
„Það þekkja það allir í fótbolta að það er mjög ólík tilfinning að fara með sigur og tap á bakinu inn í klefa og þetta er jafnvel skemmtilegara þegar það er búið að bíða svona lengi eftir því.“
Viðtalið við Daða má sjá í heild sinni hér að ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
