Ítalski markvörðurinn Gianlugi Donnarumma er búinn að skrifa undir langtímasamning hjá Manchester City og er nú beðið eftir tilkynningu frá félaginu.
Man City náði samkomulagi við Donnarumma um kaup og kjör fyrir nokkrum vikum.
Félagið gekk síðan í dag frá samningum við Paris Saint-Germain um kaupverð sem er í kringum 35 milljónir punda.
Hann er búinn í læknisskoðun og búinn að skrifa undir samninginn en þetta segir Fabrizio Romano.
Evrópumeistarinn verður kynntur á næsta klukkutímanum eða svo, en hann verður markvörður númer eitt.
Ederson er farinn til Fenerbahce og þá verður James Trafford varamarkvörður, en hann hefur staðið á milli stanganna í fyrstu leikjum City á tímabilinu.
????????? Gigio Donnarumma has signed his long term contract at Manchester City.
— Fabrizio Romano (@FabrizioRomano) September 1, 2025
Athugasemdir
