Níunda umferð efstu deildar þýska boltans fór af stað í gærkvöldi þegar Borussia Dortmund lagði Augsburg að velli til að lyfta sér upp í annað sætið.
Þeir gulklæddu geta þó tapað sætinu frá sér í dag þegar RB Leipzig og Stuttgart eigast við í æsispennandi innbyrðisviðureign.
Aðeins eitt stig skilur að milli liðanna í toppbaráttunni, þar sem Leipzig er með 19 stig eftir 8 umferðir og Stuttgart 18 stig.
Eintracht Frankfurt mætir einnig til leiks í dag á sama tíma og St. Pauli spilar við botnlið Borussia Mönchengladbach.
Þýskalandsmeistarar FC Bayern eiga heimaleik við Bayer Leverkusen í síðasta leik dagsins sem er jafnframt stórleikur helgarinnar. Bayern virðist þó vera óstöðvandi um þessar mundir þar sem liðið er með fullt hús stiga og +26 í markatölu eftir átta fyrstu umferðir deildartímabilsins.
Bayern er búið að vinna alla leiki í öllum keppnum það sem af er tímabils.
Leikir dagsins
14:30 Mainz - Werder Bremen
14:30 Union Berlin - Freiburg
14:30 RB Leipzig - Stuttgart
14:30 Heidenheim - Eintracht Frankfurt
14:30 St. Pauli - Gladbach
17:30 Bayern - Leverkusen
Athugasemdir
