Styttist í Madueke, Ödegaard, Havertz og Jesus
Mikel Arteta þjálfari Arsenal svaraði spurningum á fréttamannafundi fyrir leik á útivelli gegn nýliðum Burnley sem fer fram í dag.
Arsenal trónir á toppi ensku úrvalsdeildarinnar og getur aukið forystu sína með sigri á Burnley. Skytturnar eru með fjögurra stiga forystu á Bournemouth sem stendur, en Bournemouth á erfiðan útileik gegn Manchester City á morgun.
Arteta ræddi meiðslavandræði Arsenal á fréttamannafundinum og staðfesti að Gabriel Martinelli verður ekki með. William Saliba gæti þó komið við sögu. Þeir voru báðir utan hóps í deildabikarnum í vikunni vegna meiðsla.
„Martinelli er ennþá meiddur og við verðum að bíða og sjá með Saliba. Við erum ekki vissir hvenær Martinelli verður klár í slaginn en hann verður allavega ekki með um helgina. Allir á meiðslalistanum eru á réttri braut," sagði Arteta. „Við erum að fá mikilvæga leikmenn til baka eftir næsta landsleikjahlé."
Gabriel Jesus, Martin Ödegaard, Kai Havertz og Noni Madueke eru einnig á meiðslalistanum. Jesus verður frá keppni þar til í desember en hinir þrír gætu komið aftur eftir landsleikjahléð.
„Ég veit ekki hvort þeir komi allir eftir landsleikjahléð en allavega einhverjir, svo verður ekki langt í hina. Vonandi verða þeir komnir aftur eftir hléð. Þeir eru allir hungraðir í að snúa aftur á völlinn, ég er mjög ánægður með þá."
Arsenal tekur á móti nágrönnum sínum og erkifjendum í liði Tottenham beint eftir landsleikjahlé.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 31 | 21 | 7 | 3 | 61 | 22 | +39 | 70 |
| 2 | Man City | 30 | 18 | 7 | 5 | 60 | 28 | +32 | 61 |
| 3 | Man Utd | 31 | 15 | 10 | 6 | 56 | 43 | +13 | 55 |
| 4 | Aston Villa | 31 | 16 | 6 | 9 | 42 | 37 | +5 | 54 |
| 5 | Liverpool | 31 | 14 | 7 | 10 | 50 | 42 | +8 | 49 |
| 6 | Chelsea | 31 | 13 | 9 | 9 | 53 | 38 | +15 | 48 |
| 7 | Brentford | 31 | 13 | 7 | 11 | 46 | 42 | +4 | 46 |
| 8 | Everton | 31 | 13 | 7 | 11 | 37 | 35 | +2 | 46 |
| 9 | Fulham | 31 | 13 | 5 | 13 | 43 | 44 | -1 | 44 |
| 10 | Brighton | 31 | 11 | 10 | 10 | 41 | 37 | +4 | 43 |
| 11 | Sunderland | 31 | 11 | 10 | 10 | 32 | 36 | -4 | 43 |
| 12 | Newcastle | 31 | 12 | 6 | 13 | 44 | 45 | -1 | 42 |
| 13 | Bournemouth | 31 | 9 | 15 | 7 | 46 | 48 | -2 | 42 |
| 14 | Crystal Palace | 30 | 10 | 9 | 11 | 33 | 35 | -2 | 39 |
| 15 | Leeds | 31 | 7 | 12 | 12 | 37 | 48 | -11 | 33 |
| 16 | Nott. Forest | 31 | 8 | 8 | 15 | 31 | 43 | -12 | 32 |
| 17 | Tottenham | 31 | 7 | 9 | 15 | 40 | 50 | -10 | 30 |
| 18 | West Ham | 31 | 7 | 8 | 16 | 36 | 57 | -21 | 29 |
| 19 | Burnley | 31 | 4 | 8 | 19 | 33 | 61 | -28 | 20 |
| 20 | Wolves | 31 | 3 | 8 | 20 | 24 | 54 | -30 | 17 |
Athugasemdir
