Allur ágóði sölunnar mun renna til fórnarlamba í Úkraínu

Abramovich er meðal ríkustu manna Rússlands og hefur hann áður fyrr verið í nánum tengslum við Vladimír Pútín, forseta landsins. Rússneski herinn réðst inn í Úkraínu í síðustu viku - að skipun Pútín - og bjó til stríðsástand.

Abramovich sagði frá því í yfirlýsingu sinni í kvöld að hann ætlaði sér að aðstoða Úkraínu á þessum erfiðu tímum.

„Allur ágóði af sölunni (á Chelsea) mun renna í góðgerðarsjóð. Sá sjóður verður settur upp fyrir fórnarlömb stríðsins í Úkraínu," segir Abramovich sem er þannig að reyna að fjarlægja sig frá Pútín og hans aðgerðum.

„Þetta felur í sér það að setja fjármuni í það að mæta brýnum og bráðum þörfum fórnarlamba, og auk þess til að styðja við þau til langtíma."