Raphinha fagnar þrennunni
Brasilíski vængmaðurinn Raphinha skoraði þrennu er Spánarmeistarar Barcelona unnu 5-2 sigur á Sevilla í 28. umferð deildarinnar í dag.
Raphinha skoraði tvö vítaspyrnu mörk á tólf mínútum. Brotið var á Joao Cancelo í teignum snemma leiks og var Raphinha ansi frakkur á punktinum og skoraði með laglegri Panenka-spyrnu.
Þetta var fyrsta deildarmark hans síðan í janúar en hann var langt í frá hættur. Hann gerði annað vítaspyrnumark nokkrum mínútum síðar og aftur var það Cancelo sem fiskaði vítið.
Í þetta sinn skoraði Raphinha með þéttingsföstu skoti í hornið.
Dani Olmo gerði þriðja markið á 38. mínútu áður en Oso minnkaði muninn stuttu fyrir lok fyrri hálfleiks. Snemma í þeim síðari fullkomnaði Raphinha síðan þrennuna með skoti sem fór af Nemanja Gudelj og í netið.
Cancelo skoraði níu mínútum síðar fimmta mark Börsunga sem var hans fyrsta síðan hann sneri aftur til félagsins.
Gavi, sem hefur verið frá vegna meiðsla síðustu sex mánuði, kom inn af bekknum á 82. mínútu. Það var ákveðin heiðursskipting fyrir Raphinha sem átti frábæran leik.
Djibril Sow klóraði í bakkann fyrir Sevilla undir lok leiks en fleiri urðu mörkin ekki og 5-2 sigur Barcelona staðreynd. Barcelona er á toppnum með 70 stig, fjórum stigum á undan erkifjendunum í Real Madrid.
Real Mallorca lenti undir en kom til baka í 2-1 sigri á Espanyol.
Charles Pickel kom gestunum í Espanyol yfir á 36. mínútu og héldu þeir í forystuna inn í hálfleikinn. Markaskorarinn sá rauða spjaldið snemma í síðari hálfleiknum og gerði liðsmunurinn útslagið.
Pablo Torre jafnaði metin á 65. mínútu og undir lok leiks gerði Samu sigurmarkið sem kom Mallorca upp í 16. sæti deildarinnar með 28 stig en Espanyol í 7. sæti með 37 stig.
Barcelona 5 - 2 Sevilla
1-0 Raphinha ('9 , víti)
2-0 Raphinha ('21 , víti)
3-0 Dani Olmo ('38 )
3-1 Oso ('45 )
4-1 Raphinha ('51 )
5-1 Joao Cancelo ('60 )
5-2 Djibril Sow ('90 )
Mallorca 2 - 1 Espanyol
0-1 Charles Pickel ('36 )
1-1 Pablo Torre ('65 )
2-1 Samu ('88 )
Rautt spjald: Charles Pickel, Espanyol ('54)
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 31 | 26 | 1 | 4 | 84 | 30 | +54 | 79 |
| 2 | Real Madrid | 31 | 22 | 4 | 5 | 65 | 29 | +36 | 70 |
| 3 | Villarreal | 31 | 19 | 4 | 8 | 56 | 36 | +20 | 61 |
| 4 | Atletico Madrid | 31 | 17 | 6 | 8 | 51 | 32 | +19 | 57 |
| 5 | Betis | 31 | 11 | 13 | 7 | 45 | 38 | +7 | 46 |
| 6 | Celta | 31 | 11 | 11 | 9 | 44 | 40 | +4 | 44 |
| 7 | Real Sociedad | 31 | 11 | 9 | 11 | 49 | 48 | +1 | 42 |
| 8 | Getafe | 31 | 12 | 5 | 14 | 27 | 32 | -5 | 41 |
| 9 | Athletic | 32 | 12 | 5 | 15 | 34 | 45 | -11 | 41 |
| 10 | Osasuna | 32 | 10 | 9 | 13 | 37 | 39 | -2 | 39 |
| 11 | Espanyol | 31 | 10 | 8 | 13 | 37 | 48 | -11 | 38 |
| 12 | Girona | 31 | 9 | 11 | 11 | 33 | 45 | -12 | 38 |
| 13 | Valencia | 32 | 9 | 9 | 14 | 35 | 47 | -12 | 36 |
| 14 | Vallecano | 31 | 8 | 11 | 12 | 29 | 38 | -9 | 35 |
| 15 | Mallorca | 32 | 9 | 8 | 15 | 40 | 49 | -9 | 35 |
| 16 | Sevilla | 31 | 9 | 7 | 15 | 39 | 51 | -12 | 34 |
| 17 | Alaves | 31 | 8 | 9 | 14 | 35 | 46 | -11 | 33 |
| 18 | Elche | 31 | 7 | 11 | 13 | 39 | 47 | -8 | 32 |
| 19 | Levante | 31 | 7 | 8 | 16 | 35 | 50 | -15 | 29 |
| 20 | Oviedo | 31 | 6 | 9 | 16 | 24 | 48 | -24 | 27 |
