Götze, sem er þrítugur, hefur gengið í gegnum endurnýjun lífdaga hjá Frankfurt frá því hann kom á frjálsi sölu frá PSV á síðasta ári.

Ferillinn fór hratt niður á við eftir HM 2014 er hann tryggði Þjóðverjum sigur á HM en meiðsli settu vissulega strik í reikninginn og þá átti hann erfitt með að halda sér í formi.

Nú hefur hann aldrei verið sprækari. Hann hefur spilað 45 leiki og komið að tólf mörkum með Frankfurt á tímabilinu og í heildina leikið 3733 mínútur.

Síðustu tvö tímabil hefur hann haldið sér heilum og nú hefur hann verið verðlaunaður fyrir frammistöðu sína og framlengt við Frankfurt til 2026.

Liðið á möguleika á því að vinna þýska bikarinn á morgun er það mætir RB Leipzig í Berlín.