Russell Martin er einn af þeim sem koma til greina sem næsti stjóri Columbus Crew í MLS deildinni í Bandaríkjunum samkvæmt heimildum The Athletic.
Martin stýrði Rangers síðast en hann var rekinn í október eftir aðeins fjóra mánuði í starfi.
Columbus er í leit að arftaka Wilfried Nancy sem tók við Celtic fyrr í þessum mánuði.
Martin var stjóri Southampton áður en hann tók við Rangers. Hann kom Southampton upp úr Championship deildinni í gegnum umspilið tímabilið 2023/24 en var rekinn í desember 2024 en liðið féll úr úrvalsdeildinni það tímabil.
Athugasemdir
