Fótbolti.net

Óskar Hrafn: Þegar tveir strengir slitna tekur tíma að ná aftur takti við hljómsveitina

Rúnar vildi fá víti: Dómarinn á að sjá þetta betur en ég

Jökull: Enginn fór og henti kuðung í sturtubotninn

Þorri Mar þakklátur Stjörnunni - „Sýnir að það sé ekkert okkar á milli"

Láki: Það var reiðarslag fyrir okkur

Valor fékk að velja undir lok gluggans: Gott að sjá vini mína aftur

Jón Þór: Töpum á öllum sviðum leiksins og ég á enga útskýringu á því

Sá yngsti í sögunni: Fór beint heim, hringdi í alla og lét þau vita

Birkir mjög sáttur á Hlíðarenda: Eignuðumst barn og konan vildi koma suður

Túfa: Sást í augunum á mönnum að menn vildu svara fyrir sig

Lúkas Logi: Þetta er ekkert flókið

Gunnar Már: Jöfnunarmarkið var 100% brot

Halli Hróðmars: Þetta var flókinn dagur

Gunnar Heiðar: Erum á góðri leið með þetta lið

Alli Jói: Ógeðslega lengi út úr rútunni

Aron Snær: Pirrandi að við erum búnir að fá okkur tvö skítamörk

Davíð Smári hrósaði Fatai í hástert - „Gjörsamlega stórkostlegur"

Kallar eftir virðingu frá dómurum - „Vonandi kemur VAR í íslenska boltann sem fyrst"

Bjarni Jó: Blessaður vertu ég er búinn að vera í þessu í tæp 40 ár

Pablo Aguilera: Vissulega kalt fyrir mig komandi frá Spáni

sun 02. október 2022 18:15

Sverrir Örn Einarsson

Siggi Raggi: Barátta og sótt á báða bóga

Sigurður Ragnar Eyjólfsson

Mynd: Fótbolti.net - Sævar Geir Sigurjónsson

„Frábær tilfinning því okkur hefur gengið illa með ÍA og tapað síðustu tveimur leikjum gegn þeim hérna. Þeir hafa verið okkur erfiðir en við vissum að þeir eru að berjast fyrir lífi sínu og myndu leggja allt undir og þetta var þannig leikur. Þetta var barátta og sótt á báða bóga og spjöld en mér fannst við leysa þetta vel.“
Sagði þjálfari Keflavíkur Sigurður Ragnar Eyjólfsson eftir 3-2 sigur hans manna gegn ÍA á HS Orkuvellinum í Keflavík fyrr í dag.

Lestu um leikinn: Keflavík 3 - 2 ÍA

Keflvíkingar hófu leikinn af krafti og fengu nokkur álitleg færi til þess að ná forystu sem fóru forgörðum. Það var því nokkuð gegn gangi leiksins sem Skagamenn náðu forystu. Keflvíkingar svöruðu þó vel og voru komnir með 2-1 forystu þegar hálfleiksflautið gall.

„Ég var ánægður með að við fórum inn í hálfleik með 2-1 og mér fannst við eiga það skilið. Við vorum betri aðilinn en við vissum að það er oft næsta mark á eftir sem skilur á milli og ef við hefðum skorað það þá hefði það verið flott en í staðinn varð leikurinn jafn og þá var bara að halda áfram og bæta við. Joey skorar þá frábært mark beint úr aukaspyrnu sem var bara snilld.“

Keflavík sem stefndi á efri hlutann en náði ekki því markmiði sínu hefur þannig séð að litlu að keppa í neðri hluta deildarinnar og er ekki í neinni raunverulegri fallhættu þó tölfræðilega geti liðið enn fallið. Eru það persónuleg markmið og stolt sem drífa liðið áfram?

„Já og líka bara að bæta okkur sem lið og sýna okkur og öðrum að við erum betri en staða okkar í deildinni segir og vonandi náum við að halda því áfram. “

Sagði Siggi Raggi en allt viðtalið má sjá hér að ofan.