Sheffield United er ekki versta lið í sögu ensku úrvalsdeildarinnar.
Þetta var staðfest eftir sigur liðsins á Aston Villa í deildinni á þessu miðvikudagskvöldi.
David McGoldrick skoraði eina mark Sheffield United í leiknum en liðið var einum færri frá 57. mínútu eftir að Phill Jagielka fékk að líta rauða spjaldið.
Sheffield United er núna búið að ná í 14 stig á þessari leiktíð og þar með ljóst að liðið er ekki það slakasta sem hefur spilað í ensku úrvalsdeildinni ef miðað er við stigafjölda. Það verður áfram lið Derby County frá 2007/08 tímabilinu sem náði aðeins í 11 stig.
Sheffield United var spútniklið ensku úrvalsdeildarinnar á síðustu leiktíð og hafnaði þá í níunda sæti. Lærisveinar Chris Wilder hafa ekki náð að fylgja þeim árangri eftir á þessu tímabili og er sem stendur á botni deildarinnar eftir 27 leiki.
This win ensures Sheffield United will not go down as "The worst Premier League team in history" as they have now collected 14 points, 3 more than Derby in 07/08
— FootballJOE (@FootballJOE) March 3, 2021
Athugasemdir