Sharts spilaði með Boulder-háskólanum í Colorado í Bandaríkjunum en hún lék síðast í Finnlandi með KuPS.

Hún varð tvöfaldur meistari með KuPS ásamt því að spila í forkeppni Meistaradeildarinnar.

„Hannah er öflugt vopn í föstum leikatriðum og skoraði sex mörk og átti þrjár stoðsendingar með KuPS á seinustu leiktíð. Hannah kemur með sigurhugarfar til Stjörnunnar og hefur þegar haft góð áhrif á leikmannahóp Stjörnunnar eftir komu hennar í Garðabæinn," segir í tilkynningu Stjörnunnar.

Stjarnan hafnaði í fjórða sæti Bestu deildarinnar á síðasta tímabili en deildin hefst 21. apríl næstkomandi.