Fótbolti.net

Kristall Máni: Fer mér bara vel að vera óþolandi

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

þri 01. júlí 2025 15:46

Sæbjörn Þór Þórbergsson Steinke
Selfossi

Formaðurinn í skýjunum: Stærstu skipti í sögu félagsins

Jón Daði er mættur heim.

Mynd: Fótbolti.net - Elvar Geir Magnússon

Formaðurinn á fréttamannafundinum.

Mynd: Fótbolti.net - Elvar Geir Magnússon

'Að fá mann til að standa í stafninu og leiða leikmennina áfram í gegnum þetta verkefni, það er mjög mikilvægt og ég treysti honum fullkomlega í það'

Mynd: Fótbolti.net - Haukur Gunnarsson

„Þetta er allt að síast inn, maður er alveg í skýjunum með þetta og þvílíkt fagnaðarefni fyrir félagið og samfélagið í heild að fá svona leikmann aftur inn í Selfoss," segir Guðjón Bjarni Hálfdánarson, formaður meistaraflokksráðs Selfoss, við Fótbolta.net í dag. Dagurinn í dag var merkilegur á Selfossi, Jón Daði Böðvarsson var að snúa aftur heim eftir 13 ár í atvinnumennsku.

01.07.2025 14:32

Ítarlegt viðtal við Jón Daða - „Sú tilhugsun sat ekki nægilega vel í mér"

Er ekki bara rétt að Jón Daði komi heim?

„Ég horfi á það þannig að það að koma hingað til okkar og taka þátt í verkefninu sem við erum að vinna að, að það sé ákvörðun sem muni verða honum til heilla þegar hann lítur til baka yfir ferilinn. Ég er virkilega ánægður með þessa ákvörðun hans."

Guðjón gerir þær væntingar að Jón Daði smiti jákvætt af sér inn í liðið og félagið í heild sinni. „Hjálpi okkur áfram að byggja upp félagið, hafa jákvæð áhrif inn á vellinum og skila nokkrum stigum til að tryggja veru okkar í þessari deild."

„Jón Daði gerir einn og sér heilan helling, hjálpar ímynd félagsins, smitar til yngri iðkennda, eykur áhuga stuðningsmanna og velvild styrktaraðila. Hann hjálpar okkur til í starfinu yfir höfuð."

„Við horfum á þetta þannig að þetta sé mjög jákvæð innspýting inn í liðið og það verðuga verkefni sem við eigum fyrir höndum. En það liggur alveg ljóst fyrir að hann einn og sér mun ekki sigra það verkefni, heldur þarf öll heildin að vera með. Að fá mann til að standa í stafninu og leiða leikmennina áfram í gegnum þetta verkefni, það er mjög mikilvægt og ég treysti honum fullkomlega í það."

„Það er risastórt að hann sé kominn heim, það er bara eins og geimskot. Þetta eru, að við teljum, okkar stærstu félagaskipti í sögu félagsins. Við vildum gera þetta með glæsibrag," sagði Guðjón Bjarni fyrir utan MAR Seafood í miðbæ Selfoss.