Stelpurnar okkar fyrir æfingu á keppnisvellinum í dag.
Það kom upp skemmtilegt atvik á fréttamannafundi Íslands í Thun í dag. Þorsteinn Halldórsson, landsliðsþjálfari, og Glódís Perla Viggósdóttir, landsliðsfyrirliði, sátu fyrir svörum.
Undir lok fundarins heyrðist vel lagið Dancing Queen með Abba úr hálara á bak við lokaða hurð.
Undir lok fundarins heyrðist vel lagið Dancing Queen með Abba úr hálara á bak við lokaða hurð.
„Ísland er mætt," sagði Ómar Smárason, samskiptastjóri KSÍ, og uppskar hlátur viðstaddra.
Það er mikil stemning í hópnum og heyrist yfirleitt tónlist hvert sem stelpurnar fara.
Íslenska liðið var þá að mæta á völlinn en stelpurnar okkar æfðu á keppnisvellinum í Thun í kvöld. Á morgun er fyrsti leikur á EM gegn Finnlandi.
Leikir Íslands á EM 2025:
2. júlí, Ísland - Finnland
6. júlí, Ísland - Sviss
10. júlí, Ísland - Noregur
Athugasemdir
