Stjarnan er með 1-0 forystu í undanúrslitum Mjólkurbikarsins gegn Val á Hlíðarenda. Andri Rúnar Bjarnason skoraði markið snemma leiks.
Lestu um leikinn: Valur 3 - 1 Stjarnan
Árni Snær Ólafsson, markvörður Stjörnunnar, fékk að líta gula spjaldið þegar hann braut á Albin Skoglund sem var sloppinn í gegn.
„Albin Skoglund sleppur í gegn og fellur við snertingu frá Árna Snæ, markverði Stjörnunnar. Valsmenn baula og vilja sjá annan lit á spjaldinu. Valsmenn fá aukaspyrnu á vítateigslínu," skrifaði Kári Snorrason í textalýsinguna.
Jóhann Skúli Jónsson, harður Valsari, tjáði sig um atvikið á X en hann var allt annað en sáttur með ákvörðun nafna síns, Jóhanns Inga Jónssnar dómara leiksins.
Hvaða djók er þetta rektu manninn útaf??!
— Jói Skúli (@joiskuli10) July 1, 2025
Meira að segja Valsarar vilja manninn útaf fyrir þessa dýfu https://t.co/NB3ybrPw7d
— Björn Már Ólafsson (@bjornmaro) July 1, 2025
Athugasemdir
