Byrjunarlið Vals og Stjörnunnar: Tryggvi Hrafn snýr aftur - Ein breyting hjá Stjörnunni

Srdjan Tufegdzic, þjálfari Vals, gerir þrjár breytingar á liði sínu frá 5-2 sigri gegn KA í síðustu umferð Bestu-deildarinnar.

Inn í liðið koma þeir Kristinn Freyr Sigurðsson, Tryggvi Hrafn Haraldsson og Albin Skoglund. Kristinn var í leikbanni gegn KA en Tryggvi Hrafn veikur.

Úr Valsliðinu víkja þeir Adam Ægir Pálsson, Lúkas Logi Heimisson og Bjarni Mark Duffield.

Þá eru þeir Birkir Heimisson, Marius Lundemö og Aron Jóhannson, leikmenn Vals, allir fjarri góðu gamni vegna meiðsla.

Jökull Elísabetarson, þjálfari Stjörnunnar, gerir einungis eina breytingu frá 1-4 tapi gegn Breiðabliki í síðustu umferð.

Inn í byrjunarlið Stjörnunnar kemur fyrirliðinn Guðmundur Kristjánsson í stað Örvars Loga Örvarssonar sem tekur út leikbann.

Steven Caulker sem skrifaði nýverið undir hjá samning hjá Stjörnunni er í liðsstjórn.