Real Madrid 1 - 0 Juventus
1-0 Gonzalo Garcia ('54 )
1-0 Gonzalo Garcia ('54 )
Það hefur verið stígandi í leik Trent Alexander-Arnold í treyju Real Madrid eftir komuna frá Liverpool í sumar. Hann byrjaði ekki vel á HM félagsliða en átti góða frammistöðu í síðasta leik gegn RB Salzburg sem Real vann 3-0.
Hann var í byrjunarliðinu í kvöld þegar liðið mætti Juventus. Hann lagði upp eina mark leiksins. Gonzalo Garcia skallaði boltann í netið eftir fyrirgjöf frá Alexander-Arnold.
Garcia er 21 árs gamall en hann hefur verið að spila í fjarveru Kylian Mbappe og hann hefur skorað þrjú mörk og lagt upp eitt í fjórum leiikjum.
Mbappe kom inn á í sínum fyrsta leik á mótinu en hann hefur verið að kljást við veikindi. Hann spilaði 23 mínútur í kvöld. Real Madrid mætir sigurvegaranum úr leik Dortmund og Monterrey, í 8-liða úrslitum, sem mætast í kvöld.
Athugasemdir
