Haraldur Freyr Guðmundsson.
„Það er fúlt að fá ekkert út úr þessum leik, þetta var nokkuð jafn leikur spilalega en föst leikatriði gera út um leikinn. Við fáum á okkur þrjú mörk úr föstum leikatriðum sem við áttum að koma í veg fyrir," sagði Haraldur Freyr Guðmundsson fyrirliði Keflavíkur eftir 1-3 tap heima gegn Víkingi í fyrstu umferð Pepsi-deildarinnar í kvöld.
Lestu um leikinn: Keflavík 1 - 3 Víkingur R.
En má kenna miklum breytingum á liðinu, sérstaklega aftast á vellinum? „Ég veit það ekki, föst leikatriði er eitthvað sem snýst um einbeitingu að dekka sinn mann. Þetta var seinni bolti sem þeir fá í bæði skiptin og það getur stundum dottið fyrir mann svoleiðis. En þetta er klárlega eitthvað sem við þurfum að kíkja á. Heilt yfir stöðubarátta, erfiður völlur, ógeðslega kalt og vindur, týpískur fyrsti leikur."
Keflavík var sterkari aðlinn í stöðunni 1-2 þegar Ívar Örn Jónsson skoraði draumamark af 35-40 metra færi úr aukaspyrnu.
„Við vorum að reyna að þrýsta inn jöfnunarmarki og komumst í ágætis stöður, ágætis krossa og einhver skot en vantaði herslumuninn að búa til alvöru færi og þá klára þeir leikinn með þessari aukaspyrnu."
Viðtalið má sjá í sjónvarpinu að ofan.
