Fótbolti.net

Óli Íshólm: Skutu allir í sama horn og í 5. flokki

Rúnar Páll: Þetta eru skrýtnir tímar

Jón Sveins: Fred, Albert og Orri áttu ekki að vera í hóp

Ragnar Bragi: Alls ekki fúlir út í hann

Arnar Gunnlaugs: Hann tók ekki línuna alla leið

Daníel Laxdal: Við fundum glufurnar í þeirra liði

Brynjar Björn: Var pínu órólegur á kafla

Magnús Már: Vonandi er hægt að byrja að spila sem fyrst

Gústi Gylfa: Færð ekki mörg færi á móti Breiðablik

Guðmundur Þór: Klárt mark á mig

Ási Arnars: Þetta eru sérstakar aðstæður

Rúnar Kristins: Öll þjóðin þarf að taka eitt skref til baka

Óskar Hrafn: Hefðum getað lent undir

Arnar Grétars: Ætluðum að gera eitthvað af viti í bikarnum

Höskuldur Gunnlaugs: Fagmannleg frammistaða

Almarr hundfúll að detta úr bikar: Alltaf ömurlegt

Gary Martin: Auðveldara en í Lengjudeildinni

Helgi Sig: 'Masterplanið' gekk eftir

Logi Ólafs: Viljum fara alla leið

Sveinn Elías um enga áhorfendur: Þetta var stórfurðulegt

fös 03. maí 2019 20:55

@MistRunarsdotti

Mist Rúnarsdóttir

Best í 1. umferð: Á alveg að geta skorað skallamörk

Hlín Eiríksdóttir er besti leikmaður 1. umferðar Pepsi Max deildarinnar

Mynd: Fótbolti.net - Hafliði Breiðfjörð

„Þetta var frábært hjá okkur," sagði Hlín Eiríksdóttir, leikmaður Vals, eftir gríðarlega sterkan 5-2 sigur á Þór/KA í fyrstu umferð Pepsi Max deildarinnar. Hlín átti frábæran leik á hægri vængnum hjá Val og er leikmaður umferðarinnar hér á Fótbolti.net.

Lestu um leikinn: Valur 5 - 2 Þór/KA

Hlín og liðsfélagar hennar voru orðnar spenntar að hefja loks leik á Íslandsmótinu eftir langt undirbúningstímabil.

„Við erum búnar að vera að bíða eftir þessu og það var frábært að fá góðan leik, gott veður og spila á móti mjög góðu liði. Að byrja á sigri er það sem skiptir máli."

Valskonur byrjuðu leikinn vel og voru betra liðið fyrstu 20 mínútur leiksins. Þór/KA náði svo yfirhöndinni og voru öflugri næstu 25 mínútur. Í síðari hálfleik voru yfirburðir Vals miklir og við veltum fyrir okkur hvað Pétur þjálfari hafi sagt við liðið í hálfleik.

„Hann sagði okkur að halda áfram og sýna okkar rétta andlit. Hann vildi aðallega að við löguðum hápressuna hjá okkur," sagði Hlín meðal annars en hún átti eftir að láta til sín taka í sóknarleik Vals. Hún hafði skorað fyrsta mark Vals í leiknum og bætti svo við tveimur í síðari hálfleik. Hlín varð því fyrst til að skora þrennu í Pepsi Max deildinni í sumar.

„Ég gat svosem ekki annað en skorað úr þessum færum sem að ég fékk. Þetta voru geggjaðar sendingar," sagði markaskorarinn hógvær. Athygli vakti að tvö markanna skoraði hún með skalla.

„Ég hef verið svolítið að skalla hann með yngri landliðunum en hef ekki náð því í Val áður. Ég er mjög ánægð með það, er náttúrulega hávaxin og á alveg að geta skorað skallamörk."

Valskonur þykja ásamt Blikum líklegastar til að vinna titilinn í ár og Hlín segir markmið Valskvenna skýr.

„Við verðum bara að standa undir því að vera taldar svona frábærlega góðar og við ætlum að gera það. Við erum með mjög skýr markmið."

Nánar er rætt við leikmann umferðarinnar í spilaranum hér að ofan en þar kemur meðal annars í ljós að hún hefur ekki sama smekk fyrir pizzu og forsetinn.

Athugasemdir

Nýjustu fréttirnar