Það var nóg um að vera í hjá atvinnukonunum okkar sem leika erlendis í dag.
Í þýska boltanum lék Emilía Kiær Ásgeirsdóttir allan leikinn á kantinum hjá RB Leipzig sem vann á heimavelli gegn Nürnberg.
Leipzig vann 3-1 og er með 20 stig eftir 18 umferðir, tíu stigum fyrir ofan fallsvæðið.
Ingibjörg Sigurðardóttir var þá í byrjunarliði Freiburg og lék fyrstu 54 mínúturnar í jafntefli gegn Union Berlin. Henni var skipt af velli í stöðunni 0-1 en lokatölur urðu 1-1.
Freiburg er með 27 stig eftir 18 umferðir, fjórum stigum frá meistaradeildarsæti.
Í Belgíu var Andrea Rut Bjarnadóttir í byrjunarliði Anderlecht sem vann flottan sigur á Standard Liege. Anderlecht er í öðru sæti með 41 stig eftir 17 umferðir.
Í ítalska boltanum var Birta Georgsdóttir í byrjunarliði Genoa sem tapaði botnslagnum gegn Ternana. Genoa situr eftir með 7 stig eftir 14 umferðir, tveimur stigum frá öruggu sæti.
Hlín Eiríksdóttir byrjaði þá í frábærum sigri Fiorentina á útivelli gegn AC Milan. Hlín spilaði fyrstu 72 mínúturnar og þegar henni var skipt af velli komu Katla Tryggvadóttir og Iris Ómarsdóttir inn af bekknum.
Fiorentina vann 0-1 og er með 21 stig eftir 14 umferðir, fimm stigum frá meistaradeildarsæti.
Að lokum mættust Linköping og Växjö í æfingaleik þar sem Växjö hafði betur eftir mikla spennu.
Leipzig 3 - 1 Nurnberg
Freiburg 1 - 1 Union Berlin
Anderlecht 3 - 0 Standard Liege
Ternana 3 - 1 Genoa
Milan 0 - 1 Fiorentina
Linköping 3 - 4 Vaxjö
Athugasemdir
