Veðbankinn EpicBet hefur lækkað stuðulinn á að KR-ingar falli úr Bestu deildinni niður um meira en 40 prósent vegna slæms gengis liðsins á síðustu vikum.
KR-ingar hafa ekki unnið leik síðan í lok júní og eru sem stendur í næst neðsta sæti með 17 stig.
Liðið tapaði fyrir ÍBV, 2-1, í Þjóðhátíðarleiknum í gær sem var áttunda tap KR-inga á tímabilinu.
Óskar Hrafn Þorvaldsson, þjálfari KR, talaði um það eftir leikinn í gær að það hafi verið versta frammistaða liðsins í sumar.
KR hefur tíu leiki til þess að rétta úr kútnum, fimm í hefðbundinni 22 umferða deild og síðan fimm leiki þegar deildinni verður skipt í tvo hluta.
Staðan er mjög svipuð og hún var á sama tíma á síðasta ári. Þá voru KR-ingar með 15 stig í 10. sæti. Óskar Hrafn kom inn og náði að bjarga liðinu frá falli með frábærri frammistöðu í neðri hluta umspilinu.
Fyrir nokkrum vikum var stuðullinn á að KR falli 9 hjá Epic Bet, en hann hefur nú fallið um rúm 40 prósent og stendur núna í 5.
Leikirnir sem KR á eftir í hefðbundinni 22 umferða deild:
KR - Afturelding (11. ágúst)
Fram - KR (18. ágúst)
KR - Stjarnan (25. ágúst)
Vestri - KR (31. ágúst)
KR - Víkingur R. (14. september)
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 12 | 6 | 4 | 47 - 27 | +20 | 42 |
| 2. Valur | 22 | 12 | 4 | 6 | 53 - 35 | +18 | 40 |
| 3. Stjarnan | 22 | 12 | 4 | 6 | 43 - 35 | +8 | 40 |
| 4. Breiðablik | 22 | 9 | 7 | 6 | 37 - 35 | +2 | 34 |
| 5. FH | 22 | 8 | 6 | 8 | 41 - 35 | +6 | 30 |
| 6. Fram | 22 | 8 | 5 | 9 | 32 - 31 | +1 | 29 |
| 7. ÍBV | 22 | 8 | 5 | 9 | 24 - 28 | -4 | 29 |
| 8. KA | 22 | 8 | 5 | 9 | 29 - 39 | -10 | 29 |
| 9. Vestri | 22 | 8 | 3 | 11 | 23 - 28 | -5 | 27 |
| 10. KR | 22 | 6 | 6 | 10 | 42 - 51 | -9 | 24 |
| 11. ÍA | 22 | 7 | 1 | 14 | 26 - 43 | -17 | 22 |
| 12. Afturelding | 22 | 5 | 6 | 11 | 29 - 39 | -10 | 21 |
Athugasemdir
