Elfar Árni hér í baráttunni
„Við viljum vinna alla okkar leiki, en úr því sem komið var þá var allavega gott að ná í stigið," sagði Elfar Árni Aðalsteinsson, sóknarmaður KA, eftir 1-1 jafntefli gegn Keflavík í dag.
Lestu um leikinn: KA 1 - 1 Keflavík
Elfar Árni jafnaði metin undir lokin úr vítaspyrnu, en hann var ekki sáttur með sóknarleikinn hjá sínum mönnum.
„Við vorum frekar bitlausir og við vorum ekki að ógna nógu mikið bak við. Þeir lokuðu bara vel á okkur og það er eitthvað sem við þurfum að laga fyrir næsta leik."
Elfar segist ekkert hafa verið stressaður fyrir vítaspyrnunni sem hann tók undir lok leiks.
„Ef maður ætlar að taka víti þá verður maður að hafa pung í það, ég steig bara upp og kláraði þetta."
Viðtalið í heild sinni má sjá í spilaranum hér að ofan.
