Marcus Rashford er eini leikmaður ensku úrvalsdeildarinnar sem kemst inn í draumalið ársins í Evrópudeildinni, en Manchester United var slegið út í 8-liða úrslitum keppninnar.
Sevilla sló Rauðu djöflana úr leik og stóð að lokum uppi sem sigurvegari eftir afar nauma sigra gegn Juventus í undanúrslitum og Roma í úrslitaleiknum.
Sevilla á fjóra leikmenn í liði ársins í Evrópudeildinni rétt eins og Roma, en Bayer Leverkusen og Union Saint-Gilloise eiga einn fulltrúa hvort.
Chris Smalling er einn af tveimur Englendingum í draumaliðinu og þá er Paulo Dybala einn af tveimur Argentínumönnum. Aðrar þjóðir eiga aðeins einn fulltrúa á haus.
Markvörður:
Yassine Bounou (Sevilla, Marokkó)
Varnarmenn:
Jesus Navas (Sevilla, Spánn)
Jonathan Tah (Leverkusen, Þýskaland)
Chris Smalling (Roma, England)
Marcos Acuna (Sevilla, Argentína)
Miðjumenn:
Ivan Rakitic (Sevilla, Króatía)
Nemanja Matic (Roma, Serbía)
Lorenzo Pellegrini (Roma, Ítalía)
Sóknarmenn:
Paulo Dybala (Roma, Argentína)
Marcus Rashford (Man Utd, England)
Victor Boniface (Union SG, Nígería)
Introducing the Europa League Team of the Season, selected by UEFA's Technical Observer panel ?#UEL pic.twitter.com/qaecTtoirP
— UEFA Europa League (@EuropaLeague) June 4, 2023