Hansi Flick þjálfari Barcelona svaraði spurningum eftir sigur í nágrannaslagnum gegn Espanyol um helgina.
Staðan var markalaus í opnum, jöfnum og skemmtilegum slag þar sem bæði lið klúðruðu algjörum dauðafærum áður en Börsungar skoruðu loks á 86. mínútu. Þeir innsigluðu sigurinn fjórum mínútum síðar svo lokatölur urðu 0-2.
Flick hrósaði Espanyol fyrir góða frammistöðu og þakkaði Joan García markverði fyrir að bjarga Börsungum á nokkrum mikilvægum augnablikum í leiknum.
„Ef ég á að vera heiðarlegur þá verðskulduðum við ekki sigurinn. Ég verð að þakka Joan García fyrir útaf því að hann stóð sig ótrúlega vel, hann er einn af allra bestu markvörðum heims í dag," sagði Flick.
„Hann hefur verið stórkostlegur fyrir okkur og var lykilmaður í sigrinum í kvöld"
Barcelona keypti García einmitt frá Espanyol síðasta sumar fyrir 25 milljón evra riftunarákvæði. Hann er 24 ára gamall og á eftir að spila sinn fyrsta A-landsleik.
Spánarmeistarar Barca eru á toppi spænsku deildarinnar sem stendur, með fjögurra stiga forystu á Real Madrid. Lærlingar Flick eiga 49 stig eftir 19 umferðir.
Þeir snúa einbeitingunni þó að spænska ofurbikarnum næstu daga þar sem liðið mætir Athletic Bilbao í undanúrslitum á miðvikudaginn. Mótið fer fram í Sádi-Arabíu, líkt og ítalski ofurbikarinn.
03.01.2026 21:44
Sjáðu atvikið: Joan García hrinti Martín fyrir skotið
Athugasemdir
