Manchester United og Liverpool mættust í æfingaleik á Williams Brice vellinum í Suður Karólínu í nótt.
Liverpool gerðu mjög vel í fyrri hálfleiknum og voru 2-0 yfir í hálfleik. Það voru þeir Fabio Carvalho og Curtis Jones sem voru á skotskónum þá.
Seinni hálfleikurinn fór einnig vel fyrir Liverpool en eina markið sem var skorað í þeim hálfleik skoraði vinstri bakvörðurinn Konstantinos Tsimikas.
3-0 sigur Liverpool á erkifjendum sínum í Manchester United því staðreynd.
Þetta var seinasti leikur United á undirbúningstímabilinu fyrir úrslitaleikinn um Samfélagsskjöldin gegn Manchester City næstkomandi föstudag.
Liverpool mætir Sevilla næstu helgi áður en þeir hefja leiktíðina gegn nýlliðum Ipswich Town á Portman Road í fyrstu umferð ensku úrvalsdeildarinnar. Liverpool hefur unnið alla leikina sína á undirbúningstímabilinu.
Real Madrid og Barcelona mættust á MetLife vellinum í New Jersey í nótt. Leikurinn fór 2-1 fyrir Barcelona en bæði mörk Börsunga skoraði kantmaðurinn Pau Victor. Nico Paz minnkaði muninn fyrir Real Madrid þegar lítið var eftir af leiknum en það nægði ekki til.
2-1 sigur Börsunga á Real Madrid staðreynd.
Í öðrum leikjum vann Crystal Palace West Ham 3-1 og Wolves vann þýska liðið RB Leipzig örugglega 3-0.
