Rio Ngumoha er nafn sem þarf að leggja á minnið
Liverpool þarf ekki að fara á markaðinn í leit að arftaka Luis Díaz því hann er nú þegar fundinn.
Hinn 16 ára gamli Rio Ngumoha hefur verið að heilla á undirbúningstímabilinu.
Hann skoraði í síðasta æfingaleik liðsins í Asíuferð liðsins og var hann þá rétt í þessu að gera sitt fyrsta mark á Anfield og koma Liverpool í 1-0 í fyrri leiknum gegn Athletic Bilbao og lagði upp annað stuttu síðar.
Ngumoha hljóp með boltann frá miðjunni, upp að teignum áður en hann afgreiddi boltann snyrtilega í hægra hornið. Glæsilegt mark hjá Englendingnum.
Sjáðu markið hjá Ngumoha
Þremur mínútum síðar lagði hann upp annað mark liðsins fyrir Darwin Nunez. Gríðarlegt efni þarna á ferð og verður gaman að sjá hvort hann fái traustið frá Arne Slot á komandi tímabili.
Sjáðu markið hjá Nunez og stoðsendingu Ngumoha
Athugasemdir
