Skilur ekki af hverju United og City hafa enn ekki spilað leikina sem var frestað
Jose Mourinho hefur gagnrýnt þá staðreynd að Manchester United og Manchester City hafi enn ekki leikið þann leik í úrvalsdeildinni sem liðin eiga til góða. Leikjum United og City í fyrstu umferð deildarinnar var frestað vegna þátttöku liðanna í Evrópukeppnum í ágúst.
Mourinho er pirraður út af því að hans Tottenham lið þurfti að spila fjóra leiki á átta dögum í kringum mánaðamótin september-október þegar liðið lék í undankeppni Evrópudeildarinnar og í deildabikarnum.
„Það er erfitt að sætta sig við þá staðreynd að fjögur lið eiga leik til góða á önnur lið og ég veit ekki hvenær þau lið munu spila þessa leiki. Það er ómögulegt að koma þessum leikjum fyrir," sagði Mourinho í dag.
„Það verður að ljúka við þessa leiki alla vega áður en fyrri umferðinni í deildinni lýkur, fyrir umferð númer nítján. Ég veit ekki hvenær Burnley, City, Aston Villa, United - og núna Newcastle og Aston villa eiga að spila. Þetta getur haft áhrif á mótið. Ég var að leita svara í vikunni en enginn gat veitt mér þessi svör. Við spiliðum fjóra leiki á einni viku og enginn grét vegna þess eða studdi okkur."
Manchester United átti að mæta Burnley í fyrstu umferð deildarinnar og Manchester City átti að mæta Aston Villa. Í kvöld átti að fara fram viðureign Aston Villa og Newcastle en þeim leik var frestað vegna fjölda smita í herbúðum Newcastle.
Athugasemdir