Heimild: 433.is
Óvæntur fundur fór fram í höfuðstöðvum KSÍ í dag en fulltrúar frá félögum í tveimur efstu deildum karla voru á staðnum þar sem mótamál voru rædd. Þetta kemur fram á 433.is
Ársþing KSí fór fram síðustu helgi þar sem lagt var fram tillögur um breytingar á fyrirkomulagi efstu deildar karla. Allar tillögurnar voru felldar og var því haldinn fundur í dag til að ná samkomulagi um breytingu á Íslandsmótinu.
Fjórar tillögur voru kynntar á ársþinginu þar sem Fram, Fylkir, ÍA og starfshópur KSÍ lögðu fram áhugaverðar breytingar á mótinu. Fylkir og ÍA drógu tillögur sínar til baka en hinar tvær tillögurnar voru felldar þar sem þær fengu ekki nægilega mikið fylgi.
Fram lagði til að fjölga liðum í deildinni úr 12 í 14 á meðan starfshópur KSÍ lagði til að halda 12 liðum í deildinni en skipta deildinni í tvo hluta eftir tvöfalda umferð líkt og er gert í dönsku úrvalsdeildinni og víða um Evrópu.
Samkvæmt 433.is fór fram óvæntur fundur í höfuðstöðvum KSÍ í dag þar sem reynt er að ná samkomulagi um að breytingar á mótamálum. Þá kemur einnig fram að vonir flestra félaga sé að breyta fyrirkomulaginu fyrir sumarið 2022.
Aðeins er hægt að breyta lögum í gegnum ársþing KSÍ og því reynt eftir bestu getu að ná samkomulagi fyrir næsta þing þannig breytingar gætu tekið gildi á næsta ári.
Athugasemdir