Heimir þjálfari FH var sáttur við sigur sinna manna á Breiðablik í kvöld:
"Flottur sigur á gríðarlega öflugu Blikaliði sem hefur verið að spila vel upp á síðkastið. Þetta er erfiður útivöllur og flott að vinna þennan".
"Flottur sigur á gríðarlega öflugu Blikaliði sem hefur verið að spila vel upp á síðkastið. Þetta er erfiður útivöllur og flott að vinna þennan".
Það var varnarleikur FH sem skilaði þremur stigum í kvöld.
"Við ætluðum að byrja sterkt og mér fannst það ganga vel. Við náðum inn marki snemma og fengum möguleika til að bæta við. Svo ætluðum við að verja markið okkar og mér fannst við loka vel á Blikaliðið, sem fékk ekki eitt færi fannst mér. Það er öflugur varnarleikur.
Kassim og Beggi ná vel saman, þeir bera virðingu hver fyrir öðrum. Emil og Davíð þekkjast vel og vita hvað þeir eiga að gera."
Deildin er býsna jöfn.
"Ég sagði það fyrir mót að það væru fleiri góð lið núna en oft áður. Liðin reita stig hvert af öðru og þetta er jafnt. Svo er eitt lið sem kemur á óvart og nú eru það Víkingar sem hafa spilað virkilega vel, eru með góðan þjálfara og flotta umgjörð. Þetta stefnir í jafnt mót."
EM framundan þýðir nokkurra daga hlé á leikjum í deildinni. Hvað ætla FH ingar sér að gera í því fríi?
"Við höldum áfram að æfa. Þú þarft að æfa til að geta eitthvað í þessum leik, það er ekkert flókið"
