Franska stórliðið Paris Saint-Germain hefur nú bæst í hóp þeirra liða sem vilja fá Sergino Dest, varnarmann Ajax í sumar. Franskir miðlar fullyrða þetta.
Leonardo, yfirmaður íþróttamála hjá PSG, vill byggja sterkt lið í sumar og ljóst er að Thomas Meunier verður ekki áfram hjá félaginu og er því PSG á eftir hægri bakverði.
Hinn 19 ára gamli Sergino Dest er þar efstur á blaði en hann hefur verið að heilla í Hollandi með Ajax. Bayern München og Barcelona hafa bæði áhuga á leikmanninum og nú er PSG komið í baráttuna.
Bandaríski landsliðsmaðurinn er falur fyrir 20 milljónir evra og er PSG nú í bílstjórasætinu.
Bayern var að leiða kapphlaupið um hann áður en kórónaveiran fór að breiðast um heiminn og þá vill Barcelona selja Nelson Semedo og fá Dest til Spánar.
Athugasemdir