Þriðja umferðin í riðlakeppni Meistaradeildar Evrópu klárast í kvöld með átta leikjum en hæst ber að nefna leik Manchester City og FCK á Etihad-leikvanginum. Chelsea mætir þá Milan á Stamford Bridge.
Olivier Giroud snýr aftur til Lundúna. Hann verður væntanlega fremsti maður gegn sínu gamla félagi en þessi lið eigast við í E-riðlinum. Salzburg mætir Dinamo Zagreb fyrr um daginn eða klukkan 16:45.
RB Leipzig og Celtic eigast við í F-riðli og þá spila Evrópumeistarar Real Madrid við Shakhtar Donetsk á Santiago Bernabeu.
Íslensku strákarnir í FCK fá það verðuga verkefni að spila við Manchester City á Etihad. Hákon Arnar Haraldsson, Ísak Bergmann Jóhannesson og Orri Steinn Óskarsson eru allir hluti af aðalliði FCK.
Juventus, sem hefur tapað báðum leikjum sínum í H-riðli, fær tækifæri til að vinna fyrsta leik sinn er Maccabi Haifa mætir á Allianz-leikvanginn.
Leikir dagsins:
E-riðill
16:45 Salzburg - Dinamo Zagreb
19:00 Chelsea - Milan
F-riðill
16:45 RB Leipzig - Celtic
19:00 Real Madrid - Shakhtar D
G-riðill
19:00 Man City - FCK
19:00 Sevilla - Dortmund
H-riðill
19:00 Juventus - Maccabi Haifa
19:00 Benfica - PSG
Athugasemdir