Franski miðjumaðurinn N'Golo Kante rennur út á samningi í lok mánaðar og er framtíð hans óljós.
Samningsviðræður hans við Chelsea virðast hafa staðnað þar sem aðilar eru enn nokkuð frá því að ná samkomulagi.
Kante var nálægt því að ná samkomulagi við Chelsea í vor en aðstæður innan herbúða félagsins hafa breyst og gæti svo farið að leiðir muni skilja í sumar.
Það eru ýmis félög sem hafa áhuga á að krækja í Kante, sem er 32 ára gamall og með 53 landsleiki að baki fyrir Frakkland. Miðjumaðurinn óþreytandi getur valið á milli þess að halda áfram í enska boltanum, skipta yfir í aðra topp fimm deild í Evrópu eða flytja í aðra heimsálfu. Al-Ittihad og Al-Nassr frá Sádí-Arabíu eru sérstaklega áhugasöm.
Kante hefur unnið til nánast allra mögulegra verðlauna á sínum ferli. Hann vann ensku úrvalsdeildina tvö ár í röð með Leicester og svo Chelsea áður en hann vann enska bikarinn, Evrópudeildina, Meistaradeildina, evrópska Ofurbikarinn, enska deildabikarinn og HM félagsliða - allt með Chelsea.
Þar að auki á Kante heimsmeistaratitil með Frakklandi en tókst einungis að krækja í silfurverðlaunin á Evrópumótinu 2016, þegar Frakkland tapaði fyrir Portúgal í úrslitaleiknum.
Kante hefur spilað 269 leiki fyrir Chelsea og hafa félög á borð við PSG, Atletico Madrid, Arsenal, Juventus og Inter öll verið orðuð við hann að undanförnu.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 18 | 13 | 3 | 2 | 33 | 11 | +22 | 42 |
| 2 | Man City | 18 | 13 | 1 | 4 | 43 | 17 | +26 | 40 |
| 3 | Aston Villa | 18 | 12 | 3 | 3 | 29 | 19 | +10 | 39 |
| 4 | Liverpool | 18 | 10 | 2 | 6 | 30 | 26 | +4 | 32 |
| 5 | Chelsea | 18 | 8 | 5 | 5 | 30 | 19 | +11 | 29 |
| 6 | Man Utd | 18 | 8 | 5 | 5 | 32 | 28 | +4 | 29 |
| 7 | Sunderland | 17 | 7 | 6 | 4 | 19 | 17 | +2 | 27 |
| 8 | Brentford | 18 | 8 | 2 | 8 | 28 | 26 | +2 | 26 |
| 9 | Crystal Palace | 17 | 7 | 5 | 5 | 21 | 19 | +2 | 26 |
| 10 | Fulham | 18 | 8 | 2 | 8 | 25 | 26 | -1 | 26 |
| 11 | Everton | 18 | 7 | 4 | 7 | 18 | 20 | -2 | 25 |
| 12 | Brighton | 18 | 6 | 6 | 6 | 26 | 25 | +1 | 24 |
| 13 | Newcastle | 18 | 6 | 5 | 7 | 23 | 23 | 0 | 23 |
| 14 | Tottenham | 17 | 6 | 4 | 7 | 26 | 23 | +3 | 22 |
| 15 | Bournemouth | 18 | 5 | 7 | 6 | 27 | 33 | -6 | 22 |
| 16 | Leeds | 17 | 5 | 4 | 8 | 24 | 31 | -7 | 19 |
| 17 | Nott. Forest | 18 | 5 | 3 | 10 | 18 | 28 | -10 | 18 |
| 18 | West Ham | 18 | 3 | 4 | 11 | 19 | 36 | -17 | 13 |
| 19 | Burnley | 18 | 3 | 3 | 12 | 19 | 34 | -15 | 12 |
| 20 | Wolves | 18 | 0 | 2 | 16 | 10 | 39 | -29 | 2 |
