Alfreð Finnbogason æfir þessa dagana með danska úrvalsdeildarfélaginu Lyngby en hann er án félags eftir að hafa yfirgefið Augsburg. Freyr Alexandersson, þjálfari Lyngby, segir að yngri leikmenn liðsins geti lært mikið af íslenska framherjanum.
Samningur Alfreðs við Augsburg rann sitt skeið á dögunum og ákvað hann því að fara til Danmerku og æfa hjá Lyngby.
Sjá einnig:
Alfreð æfir með Lyngby - Gæti spilað á föstudag
Alfreð og Freyr þekkjast vel en þeir störfuðu saman hjá íslenska landsliðinu.
Framherjinn æfir nú með Lyngby til að halda sér í formi en hann er afar ánægður með aðstæðurnar sem danska félagið hefur upp á að bjóða. Hann gæti svo spilað æfingaleik gegn HB Köge á föstudag.
„Alfreð er leikmaður sem er með meira en hundrað leiki í efstu deild í Þýskalandi og ég þekki hann mjög vel frá því við unnum saman með íslenska landsliðinu. Hann er án félags og þarf því að halda sér í formi og því fannst honum kjörið að koma til Lyngby þar sem hann telur gæðin og umgjörðina góða. Við erum bara mjög ánægðir að hafa hann í heimsókn," sagði Freyr Alexandersson á heimasíðu Lyngby.
„Þetta gefur öðrum leikmönnum liðsins líka mikið, sérstaklega yngri leikmönnunum, að hafa svona stóran leikmann á æfingum og þó hann hafi verið að glíma við meiðsli á síðustu árum þá er hann augljóslega leikmaður í hæsta gæðaflokki sem er með mikla reynslu og því geta ungu leikmennirnir okkar lært margt af honum," sagði hann ennfremur.
ISLANDSK BESØG TIL TRÆNING I DENNE UGE🇮🇸
— Lyngby Boldklub (@LyngbyBoldklub) July 6, 2022
Den tidligere Augsburg-spiller Alfred Finnbogason træner med resten af Superligatruppen i denne uge, hvor han holder formen ved lige👇#SammenforLyngbyhttps://t.co/gMzOmgggrW
Athugasemdir