„Ég hef beðið í 20 ár eða eitthvað eftir góðum úrslitum gegn Manchester United. Ég er hæstánægður fyrir hönd allra. Við þurftum að svara eftir það sem gerðist um síðustu helgi."

Newcastle tapaði 5-0 gegn Leicester um síðustu helgi, en vann svo Manchester United í dag.

„Þetta sýnir það að stjórna fótboltaliði er upp og niður. Þú getur aldrei skrifað handritið."

Hinn 19 ára gamli Matthew Longstaff skoraði sigurmarkið í sínum fyrsta leik í ensku úrvalsdeildinni. Hann spilaði við hlið bróður síns, Sean Longstaff.

„Síðan í æfingaferðinni í Kína þá hef ég sagt, 'hver er þessi strákur?'. Hann sker sig frá öðrum vegna þess að hann er rauðhærður. Hann er 19 ára? Ég er mjög ánægður fyrir hans hönd," sagði Bruce, en hann vonast til þess að þessi sigur muni snúa við gæfu Newcastle-manna.

Newcastle er í 16. sæti með átta stig.