Eyþór Helgi Birgisson.
Eyþór Helgi Birgisson, framherji Víkings Ólafsvíkur, skoraði sigurmark Víkings Ólafsvíkur á erfiðum útivelli gegn Grindavík í 1. deild karla á dögunum.
Eyþór Helgi var gestur í útvarpsþætti Fótbolta.net á X-inu í dag og var hann að vonum ánægður með sigurinn.
Eyþór Helgi var gestur í útvarpsþætti Fótbolta.net á X-inu í dag og var hann að vonum ánægður með sigurinn.
,,Það er smá þreyta í mönnum en annars er liðið bara gott. Þetta var 50/50 leikur sem hefði getað endað báðu megin og jafntefli hefði líklega verið sanngjarnt, en við erum sáttir með þrjú stig," sagði Eyþór Helgi á X-inu í dag.
,,Níu stig eftir fjóra leiki og búnir með KA, Skagann og Grindavík úti. Þegar þú horfir til baka, þá hefðum við átt að skora í þessum Selfoss leik á venjulegum degi en það féll ekki með okkur. En við erum mjög sáttir með níu stig úr fjórum leikjum."
Víkingur hefur enn ekki spilað heimaleiki á sínum heimavelli í Ólafsvík en það fer að styttast í það.
,,Við bíðum eftir því að komast þangað og gerum það líklega á mánudaginn gegn Þrótti, og það er bara léttir. Við viljum spila heimaleikina okkar heima, ekki klukkutíma í burtu," sagði Eyþór.
Eyþór tók athyglisvert kúreka-fagn í Grindavík þegar hann skoraði og var spurður út í það:
,,Þetta er semsagt einkahúmor hjá nokkrum félögum, við köllum þetta kúrekann. Þetta voru byssur. Þú ert að vinna með byssurnar og síðan ertu að vinna með skúffurnar í munninum, við áttum þarna létt spjall ég og félagi minn og hann spurði mig hvort ég væri nokkuð búinn að gleyma "cowboy-inum". Ég sagði nei og hann sagði að ég tæki hann ef ég skora."
Viðtalið má hlusta á hér að ofan.
Athugasemdir
