Lokaumferð dönsku deildarinnar fer fram í dag og verður bein útsending á Viaplay.

Þegar leikjum dagsins lýkur verður deildinni skipt upp í tvo hluta þar sem sex lið komast í þann efri og hin átta liðin spila í þeim neðri.

Eins og staðan er núna er Álaborg í sjötta sæti með 38 stig og Randers í sjöunda með 35 stig. Álaborg á erfiðan heimaleik í dag gegn Jóni Degi Þorsteinssyni og félögum í AGF á meðan Randers á enn erfiðari viðureign, gegn FCK í Kaupmannahöfn.

Þeir eru nokkrir Íslendingarnir sem gætu komið við sögu í dag. Auk Jóns Dags í AGF er Hjörtur Hermannsson í liði Bröndby og Mikael Neville Anderson í toppliði Midtjylland sem heimsækir Nordsjælland.

Þá eru tveir Íslendingar í SönderjyskE sem á heimaleik við Silkeborg. Það eru þeir Ísak Óli Ólafsson og Eggert Gunnþór Jónsson. Þá er Aron Elís Þrándarson í liði OB sem fær Esbjerg í heimsókn.

Frederik Schram er varamarkvörður Lyngby sem heimsækir Hobro og Ragnar Sigurðsson er á mála hjá Kaupmannahöfn en ólíklegt að hann fái tækifæri í dag.

Leikir dagsins:
15:00 Álaborg - AGF
15:00 Kaupmannahöfn - Randers
15:00 Hobro - Lyngby
15:00 Horsens - Bröndby
15:00 Nordsjælland - Midtjylland
15:00 OB - Esbjerg
15:00 SönderjyskE - Silkeborg

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit