U16 landslið kvenna spilaði lokaleik sinn á Opna Norðurlandamótinu í dag. Þær mættu Finnlandi í leik um fimmta sætið.
Svo fór að okkar stelpur fóru með sigur af hólmi, 3-2.
Svo fór að okkar stelpur fóru með sigur af hólmi, 3-2.
Emelía Óskarsdóttir gerði tvö mörk í leiknum og Margrét Brynja Kristinsdóttir gerði eitt mark.
Emelía gerði fyrsta mark leiksins á 22. mínútu en Finnar jöfnuðu metin fimm mínútum síðar. Íslenska liðið náði síðan tveggja marka forystu með mörkum frá Margréti Brynju á 70. mínútu og öðru marki Emelíu á 87. mínútu úr vítaspyrnu.
Finnska liðið minnkaði muninn í uppbótartímanum en lengra komust þær ekki.
Lokatölur 3-2 fyrir Íslandi sem endar mótið í fimmta sæti.
Athugasemdir