Roy Keane, sparkspekingur á Sky Sports, segir að Manchester United verði að kaupa fleiri leikmenn til að eiga möguleika á að berjast um Meistaradeildarsæti.
United mun spila í Evrópudeildinni á þessari leiktíð eftir að hafa hafnað í 6. sæti deildarinnar á síðustu leiktíð.
Félagið hefur aðeins fengið þrjá leikmenn í þessum glugga. Tyrell Malacia, Christian Eriksen og Lisandro Martínez eru allir komnir en Keane segir að liðið þurfi frekari styrkingar.
United tapaði fyrir Brighton í dag, 2-1, en ef liðið ætlar að berjast um Meistaradeildarsæti þá þarf félagið að kaupa fleiri leikmenn.
„Ef félagið kaupir nokkra leikmenn næstu vikurnar þá er möguleiki á að enda meðal fjögurra efstu. En á þessu augnabliki þá myndi ég ekki segja að þeir væru í baráttunni um að vera þar."
„Ef þeir ná að ganga frá nokkrum kaupum sem þeir hafa áhuga á að fá þá verður þú að segja að þeir hafi bæði hópinn og nýjan stjóra til að komast þangað."
Athugasemdir