Argentínski framherjinn Taty Castellanos fer beint inn í byrjunarliðið hjá West Ham sem hefur verið í miklum vandræðum með markaskorun framherja sinna, að undanskildum kantmanninum Jarrod Bowen sem er kominn með 6 mörk á deildartímabilinu. Brasilíski framherjinn Pablo sest á bekkinn.

Hamrarnir borguðu í heildina tæplega 50 milljónir punda til að kaupa Pablo og Castellanos á upphafsdögum janúargluggans.

Callum Wilson er ekki í hóp hjá West Ham þar sem hann er í viðræðum um að enda samninginn sinn sex mánuðum fyrir samningslok. Castellanos byrjar í hans stað og þá kemur Lucas Paquetá aftur inn á miðjuna. Soungoutou Magassa sest á bekkinn.

Jean-Clair Todibo kemur inn í hjarta varnarinnar fyrir Max Kilman og tekur Tomas Soucek sæti á miðjunni í stað Freddie Potts. Nuno Espírito Santo gerir því í heildina fjórar breytingar frá vandræðalegu tapi gegn botnliði Wolves um helgina.

Sean Dyche gerir tvær breytingar á liði Forest frá tapinu gegn Aston Villa. Matz Sels fer í markið fyrir John Victor sem meiddist um helgina og þá kemur Callum Hudson-Odoi inn fyrir Dilane Bakwa sem átti slæman leik á Villa Park.

West Ham: Areola, Scarles, Mavropanos, Todibo, Walker-Peters, Soucek, Fernandes, Paqueta, Bowen, Summerville, Taty
Varamenn: Hermansen, Pablo, Rodriguez, Kilman, Potts, Magassa, Earthy, Kante, Mayers

Nott. Forest: Sels; Aina, Milenkovic, Murillo, Williams; Anderson, Dominguez; Hutchinson, Gibbs-White, Hudson-Odoi; Jesus.
Varamenn: Gunn, Morato, Awoniyi, Douglas Luiz, Kalimuendo, McAtee, Bakwa, Savona, Abbott.