Bætt við í þjálfarateymið hjá KR

Íris Dögg Gunnarsdóttir hefur núna verið ráðin sem markmannsþjálfari liðsins út tímabilið. Íris Dögg lagði hanskana á hilluna í byrjun þessa árs en á sínum ferli spilaði hún yfir 300 meistaraflokksleiki, þar af 67 leiki fyrir KR á árunum 2006-2011.

Hún var síðast á mála hjá Val þar sem hún var varamarkvörður áður en hanskarnir fóru upp á hillu.

Þá hefur Sigurður Örn Jónsson verið ráðinn nýr aðstoðarþjálfari. Sigurður Örn þekkir liðið vel en hann var hluti af þjálfarateyminu seinna hluta tímabilsins í fyrra þegar liðið vann sér inn sæti í Lengjudeildinni.

KR mætir Fylki klukkan 19:15 í Lengjudeildinni í kvöld.