Ísland vann öruggan 3-0 sigur gegn Moldóvum í undankeppni EM á Laugardalsvelli í dag.
Hér að neðan má sjá einkunnagjöf leiksins.
Hér að neðan má sjá einkunnagjöf leiksins.
Hannes Þór Halldórsson 7
Þurfti ekki að verja skot fyrr en á 83. mínútu. Afar náðugur dagur á skrifstofunni. Öruggur í öllum sínum aðgerðum.
Hjörtur Hermannsson 6
Öflugur varnarlega en hann hafði minna fram að færa sóknarlega.
Kári Árnason 7
Vann mörg skallaeinvígi og návígi gegn framherjum Moldóva.
Ragnar Sigurðsson 7
Átti stóran þátt í öðru markinu. Hörkuskalli eftir hornspyrnu sem markvörður Moldóva varði.
Ari Freyr Skúlason 9 - Maður leiksins
Mjög öflugur í vinstri bakverðinum. Grimmur og tók virkan þátt í sóknarleiknum. Lagði upp þriðja markið.
Arnór Ingvi Traustason 6
Fékk langþráð tækifæri í byrjunarliðinu. Var duglegur og baráttuglaður á hægri kantinum.
Aron Einar Gunnarsson 8
Sýndi mun meira sóknarlega en áður og lagði upp tvö færi í fyrri hálfleik á frábæran hátt. Mjög góður kraftur í fyrirliðanum í dag.
Gylfi Þór Sigurðsson 7
Hefur oft látið meira til sín taka í landsleikjum. Sýndi þó gæði sín á köflum.
Birkir Bjarnason 7 ('78)
Atgangsharður í dag. Var tvívegis nálægt því að skora um miðbik fyrri hálfleiks. Skoraði síðan af stuttu færi eftir hornspyrnu í þeim síðari.
Kolbeinn Sigþórsson 8 ('64)
Skoraði og var ógnandi allan leikinn. Tekur mikið til sín. Fagnaðarefni að sjá hann aftur í góðum gír í bláu treyjunni.
Jón Daði Böðvarsson 8 ('84)
Lagði upp fyrsta markið með stórkostlegri hælsendingu á Kolbein og skoraði síðan langþráð mark í síðari hálfleik.
Varamenn:
Emil Hallfreðsson ('64) 6
Kom með ró inn á miðjusvæðið síðasta hálftímann.
Rúnar Már Sigurjónsson ('78)
Spilaði of stutt til að fá einkunn.
Viðar Örn Kjartansson ('84)
Spilaði of stutt til að fá einkunn.
Athugasemdir