Yeats og félagar fögnuðu bikarsigrinum 1965.
Ron Yeats, ein af helstu goðsögnum í sögu Liverpool FC, er látinn eftir baráttu við Alzheimer.
Yeats lést 86 ára gamall en hann var fyrirliði hjá Liverpool fyrir um 60 árum síðan, þegar Liverpool spilaði fyrsta Evrópuleik í sögu sinni.
Sá leikur var leikinn á Íslandi, þegar Liverpool heimsótti áhugamannalið KR og skóp þægilegan fimm marka sigur.
Yeats lék tvo landsleiki fyrir Skotland á ferli sínum sem atvinnumaður, auk þess að spila yfir 450 keppnisleiki fyrir Liverpool.
Yeats var fyrirliði Liverpool þegar liðið vann enska FA bikarinn í fyrsta sinn árið 1965.
Athugasemdir
